O alcalde de Carral, José Luís Fernández Mouriño, reuniuse está mañá con con as representantes da Plataforma contra o trazado do Ave de San Vicente de Vigo, para realizar unha análise do os cambios nos plans do Ministerio de Fomento en canto ao proxecto de que a liña de Ave Coruña-Ferrol discorrese polo termino municipal de Carral.

O alcalde adiantou este sábado, durante a reapertura do local social de San Vicente de Vigo, que os novos plans do Ministerio de Fomento daban por descartado o corredor sur, que atravesaba as parroquias carralesas de Quembre, Canas e San Vicente de Vigo, a máis afectada polo proxecto de Fomento.

Na reunión de hoxe as representantesss da plataforma veciñal, encabezadas por Isabel López, indicaron que a mesma interpretación, xa que na última documentación remitida pola consultoría que está realizando os traballos do Ave, xa non se fai mención do corredor sur. É máis, nos planos que se achegan non aparece xa representado este tramo.

Con todo, o alcalde de Carral, mostrouse convencido de que Fomento descartou construír a liña de Ave polo municipio, pero quixo ser prudente e esperar a confirmación definitiva de que isto vaia ser así. O alcalde indicou que o traballo da plataforma veciñal foi moi intenso na defensa do os intereses dos veciños do municipio .

Pola súa banda, o Goberno local traballouse e trabállase na defensa dos intereses dos carraleses e que se portaron a Fomento alegacións razoadas e apoiadas por estudos que sinalaban que a alternativa agora descartada era a menos vantaxosa, non só para Carral. senón para a comarca e o mesmo trazado do AVE.

Mouriño, adiantou aos veciños de San Vicente de Vigo as novas intencións do Ministerio de Fomento, no transcurso do acto de reapertura do local social de San Vicente de Vigo, logo das obras de reforma á que foi sometido. A actuación supuxo a ampliación da superficie do edificio nuns 60 metros, o pintado interior e exterior, cambio de fiestras e portas, eliminación de humidades, e arranxo da zona axardinada exterior.

O investimento nestas obras foi de 61.900,00 euros, dos que 52.500,00 euros corresponden á achega feita pola Deputación dá Coruña e os 9.400,00 restantes ao propio concello de Carral.